URRIAREN 2an eta 3an DANTZA ASTEBURUA URDUÑAN

Gizakiak gorputza musikarekin batera mugitzen duenean sortzen da dantza.

Dantza asteburua Urduñan

Gizakiak gorputza musikarekin batera mugitzen duenean sortzen da dantza. Banakakoak egiten duen ekimena da dantza, baina era berean, gizartean bizi garen neurrian, inguruarekin lotzen gaitu dantzak eta banaka ez ezik, batzutan taldean egiten dugu eta beste batzuetan bikoteka (1+1=2). Edozein kasutan, dantza partekatzea da guretzat, eta urriaren 2an eta 3an Urduñan ospatu behar dugun Dantza Asteburuan hori izango da gure helburua: elkarrekin dantzan egitea. Zer? Egoerak aginduko du zer egin dezakegun, nola egin daiteken dantzan… eta horren arabera Aiko taldeko dantza maisuekin dantzan ikasteari ekingo diogu, edo beraiek nahiago duten moduan esanda, dantza partekatzeari. Hau da, elkarrekin dantzan.

Egin ditugun ikastaro, mintegi, tailer, dantza barnetegi, etabarretan, dakigun guztia konpartitzen saiatzen gara, beraz, zuetariko askok, urteak joan eta etorri, jakin beharreko "guztia" jaso duzue gure ikastaldietan. Baina gauza bat da jasotzea, ikustea, entzutea, imitatzea... eta beste bat barneratzea eta ikastea. Gu geu ere, Aikotarrok, egunero ari gara ikasten eta beti dugu zerbait ikasteko. Eta hori ederra da. Zuekin eskola bakoitzean ere, zerbait ikasten dugu. Eta sarritan gauzarik inportanteenak!

Jaso duguna barneratzeko, "dakiguna ikasteko" eta ez dakiguna “aurkitzeko”, Urduñan elkartzeko proposamenarekin gatoz, balsa, mazurka, jauziak, pasodoblea, boleroa, mutildantzak, txotisa, fandangoa etabarrekin asteburua dantzan gozatzeko asmoz.

Dantza eskolak Hotel Balneario Orduña Plaza bertan burutuko ditugu eraikinak 3. solairuan duen dantza areto zoragarrian. Nahi duenak ere, ohizkoa denez, aukera izango du hotelean bertan afaldu, lo egin, gozaldu eta bazkaltzeko (balnearioan 60 minutuko zirkuitu termala ere barne erreserba eginez gero) 75 euroren truke gela bikoitzean. Ikastaroaren prezioa, aldiz, ohizkoa, 50€.

Urriak 2 larunbata

17:00-18:30 Ikastaroaren hasiera Hotel Balneario Orduña Plazan, 3. solairuan.

18:30-19:00 Atsedenaldia

19:00-20:30 Berriz ikastera

21:00 Afaria

Urriak 3 igandea

10:00-11:30 Ikastera

11:30-12:00 Jolastokira

12:00-13:30 Berriz lanera

14:30 Bazkaria

*Ordutegiak pokomasomenosekoak dira, beti bezala.

IKASTAROAN IZENA EMATEKO

https://aiko.eus/agenda

GOGORATU: PLAZA MUGATUAK

HOTEL BALNEARIO ORDUÑA PLAZA

Paseo de los Fueros, 15, 48460 Orduña, Vizcaya

Ohizkoa denez, Hotel Balneareio Orduña Plazak, eskeintza berezi bat prestatu digu ikastaroan parte hartzen dutenentzako:

-Gela bikoitzean, larunbateko afaria, lo egitea, igandeko gosaria eta bazkaria 75€ lagun bakoitzeko, balnearioan 60 minutuko zirkuitu termala barne.

Ikastaroa AIKO taldeak kudeatzen du baina hotelarena zuzenean Hotel Balneario Orduña Plazak darama, horrela ba, informazio gehiago eta hotelean erreserba egiteko bertora deitu, eta AIKO taldearen ikastaroko eskeintza nahi duzuela komentatu:

Tel: 945 56 90 38

http://www.hotelordunaplaza.com/