URRASKA Dantza jauziak Sagasetaren bidetik. A New Interpretation of the Jauziak Dances Collected by Sagaseta.
URRASKA Dantza jauziak Sagasetaren bidetik. A New Interpretation of the Jauziak Dances Collected by Sagaseta.
Dantza tradizionalaren ikasle eta zaletuentzat “testu liburu” erabilgarria izateko asmoz, aspaldi Aiko taldeak ekoiztutako lan pedagogiko-didaktikoa da Urraska. Nevadako Unibertsitateko Eusko Ikaskuntzen Zentroak argitaratutako lana denez edizioa elebiduna da, euskara-ingelesa, eta hainbat osagai ditu: liburua, 2 Cd, DVDa (bideo eta datuekin) eta poltsiko-liburua jauzien urratsekin. Dantza-eskoletan eta erromerietan ezinbestekoa bihurtu den errepertorioaren atal bat osatzen duten Jauziak edo sauts-basques-ei eskainitako lan monografikoa dugu hau. Agortuta dagoenez, Aiko taldea web bertsio bat osotzen ari da Urraskaren edukiak guztien eskura jartzeko asmoz gure web orrialdean:
https://aiko.eus/edukiak/diskografia/urraska
Dagoeneko honako atal hauek aurkitu ditzakezue berton:
- Partiturak: A4 tamainan eta PDF formatoan.
- Liburua: Aiko taldearen interpretazio-proposamena zehazten da ekarpen teoriko batzuekin + dantzen egitura koreografikoa kontuan hartuz dantzen transkripzio berri bat jauziak hobeto interpretatzeko.
- Bideoak: DVDan dauden,balio dokumental eta etnografiko handia duten dantza jauzien grabaketa zaharrak. Astero-astero bideo bat igotzeko asmoa dugu. Dagoeneko lehena ikusgai duzue.
- Jauziak markatuta: Miguel Angel Sagasetaren eskutik heldu zaizkigun jauzi tradizional guztien eta Bralearen grabaketa urratsak markaturiko bertsioan (laster urratsik gabekoa ere etorriko da).
- Urrastegia: guzti honen osagarri, "Urrastegia" izena duen poltsiko-liburua jauzien pausuekin.
