TRADEGIN: tradiziozko dantza garaikidea egin. UPV/EHU udako ikastaroak 2015 Dantza asteburua Ekainak 26-27-28 Areatza Dantzari, dantza maisu, dantzazale, musikari, ikertzaile eta dantzan interesa...
TRADEGIN: tradiziozko dantza garaikidea egin. UPV/EHU udako ikastaroak 2015
Dantza asteburua
Ekainak 26-27-28
Areatza
Dantzari, dantza maisu, dantzazale, musikari, ikertzaile eta dantzan interesa duen orori zuzendua.
Ikastaroan izen ematea, 40€: maiatzaren 4tik aurrera, berton, PDF formatoan duzun izen emate orria betez eta igorriz, azaltzen den moduan eta dagokion diru sarrera eginez.
* * * * * * * * * * * * * * * * * * * * * * * * * * * * * * * * * * * * * * * * * * * * *
Aikotarrok argi dugu bizirik gaudela, eta gure musika eta dantzak gurekin bizirik dirautela eta egunetik egunera garaikide egiten ditugula. Dantzan egiteko eta irakasteko gune eta bide berrien bila gabiltza eten gabe eta UPV/EHU eta Kulturbasque bidaide ditugu ahalegin horretan. Oraingoan, UPV/EHUko uda ikastaroen barne, elkarrekin antolatu dugu Tradegin: tradiziozko dantza garaikidea egin.
Ekaineko azken asteburuan Areatzan elkartzeko asmoa dugu dantzatzeko, dantzan eta dantzaz gozatzeko, eta horrela ekinez ikasteko. Ikastaroa irekita dago dantzan egin nahi duen edonorentzat. Dantzako profesionalek nahiz dantzazaleek parte har dezakete, baita dantza tradizionalaren egungo ikuspegia izan eta dantza irakatsi-ikasteko AIKO Metodoa gertu-gertutik ezagutu nahi dutenek ere (dantza-maisuak, dantzazaleak, irakasleak, monitoreak, dantzariak…).
Eta bertoko giroa bete betean barneratzeko Hotel Balneario Areatzan eskeintza berezi bat egiten digute: ostiraletik igandera jatorduak eta loa, gela bikoitzetan, 93 euroren truke. Hoteleko izen ematea hotelean bertan bakoitzak kudeatu beharko du, ekainaren 26tik 28ra UPV/EHUko uda ikastaroetako eskeintza berezia eskatuz.
Hotel Balneario Areatza, tel. 946 572 705
Ekainak 26 ostirala
17:00 Korrotik pikutara
Oier Araolaza eta Gari Otamendik dantzaren historiari begirada interesgarri bat proposatzen digute, musika eta dantza eginez, tailer-ikastaro-hitzaldi praktiko honen bidez.
19:00 Erromeri dantzaldia (I)
Dantzaldia Aiko taldearekin. Hitza eman digute erromeri ezberdin bi egin behar dituztela ostiralean eta larunbatean… Ia zer prestatzen diguten!
Ekainak 27 larunbata
10:00 Gipuzkoako dantzak
Josu Garate dantza maisu eta dantzari finak hainbat urtetan eta hainbat dantza maisuengandik ikasi dituen esperientziak konpartitzeko asmoarekin datorkigu Areatzara.
12:00 Joteagaz olgetan
Egokia da Patxi Labordarekin egin behar dugun ekitaldi honen izena; norbait jotarekin jolasteko gai bada, gure Patxi da eta!
17:00 Kontradantzak
Claude Iruretagoyenak ikerketa lan handia egin du dantzen inguruan, baina ez bakarrik dantza jauzi edo mutxikoekin, kontradantza edo kadrileetan ere aditua da, eta maisu aparta.
19:00 Erromeri dantzaldia (II)
Aikotarren bigarren dantzaldia. Esandakoa, ia zer egiten duten...
Ekainak 28
10:00 Sormena jotan erritmoa baliatuz
Sabin Bikandik, musikaria denez, erritmo ezberdinak erabiliz puntu berdin edo antzekoei etekina ateratzen irakatsiko digu.
12:00 Master class: Kepa Artetxe
Kepa Artetxerekin jotan dantzatzea esperientzia bat da beti. Aprobetxatu dezagun!
HOTELEAN JAN ETA LO EGITEKO BERTORA DEITU ETA ERRESERBA EGIN. ESKEINTZA BEREZIA 93€. HOTEL AREATZA 946 572 705
IZENA EMATEKO SAKATU HEMEN EDO "IKUSI PDF" JARTZEN DUEN TOKIAN, INPRIMAKIA BETE ETA BERTON JARTZEN DUEN HELBIDERA AGINDU.
Ikusi PDF