Irailaren 13an, igandez, arratsaldeko 18:30tan, Euskal Herria plazan, Legazpin, erromeri dantzaldi elegantea antolatu dute bertoko Goiz Deia Txistulari taldekoek. Joan den urtean ere berton izan...
Irailaren 13an, igandez, arratsaldeko 18:30tan, Euskal Herria plazan, Legazpin, erromeri dantzaldi elegantea antolatu dute bertoko Goiz Deia Txistulari taldekoek. Joan den urtean ere berton izan ginen, eta erromerian ez ezik, aurretik egin genuen tailerrean ere primeran pasatu genuen. Azken batean, tailerrean ere lagun artean dantzan eta parranda giroan ekin genion, ikasi bai, baina ondo pasatzeko asmoz. Eta aurten ere, irailaren 10ean, 19:00tan, ikastolako aretoan elkartuko gara tailerra egiteko aitzakiarekin, gure tradiziozko "guatekea" edo egiteko... Beraz, Legazpin badugu dantzan egiteko aukerarik: 10ean ikastolako aretoan 19:00tan eta 13an Euskal Herria plazan 18:30tan. Animatu!
