Kantari Kontari kantuan adituak diren kideak elkartu eta saio ezberdinak sortu ditu, bertan txakolina eta kantuaren inguruko iritziak, bizipenak, kontuak eta pasadizoak elkarbanatuz.
Kantari Kontari kantuan adituak diren kideak elkartu eta saio ezberdinak sortu ditu, bertan txakolina eta kantuaren inguruko iritziak, bizipenak, kontuak eta pasadizoak elkarbanatuz.
Mendibile Elkartea, Bizkaiko Txakolina JDB eta Aiko Taldearen elkarlanari esker Kantari Kontari Mendibilen proiektua martxan jartzen dugu 2024. urtean.
Kantari Kontarik kantua modu aktibo eta interaktiboan bizitzeko aukera ematen digu, entzule pasibo izan beharrean kantua barneratu eta ingurukoekin partekatu ahal izateko. Euskal kantuaren gizarteratzearen alde, zabaltzearen alde eta demokratizatzearen alde antolatutako proiektua da.
“Tradiziozko” kantuan edo kantu herrikoian adituak diren kideak izango ditugu udaberriko lau saioetan. Bertan kantuaren inguruko iritziak, bizipenak, kontuak eta pasadizoak partekatuz. Haiekin batera kantatu eta kantua barneratuko dugu gure bizia aberasteko, saio bakoitza txakolin dastaketa batekin bukatuz.
Abenduak 14, larunbata: Roberto Etxebarria
18:30
Roberto Etxebarria
Prezioa: 5 €
EROSI
GEHIAGO JAKIN
Mendibile Jauregia
Roberto Etxebarria kantautore eta akordeoi musikariak itxiko du udazkeneko zikloa, euskal gabon kanta tradizionaletatik haratago errepertorioa arakatzeko emanaldiarekin. Etxebarria Trikiti Pieza Berrien I. Txapelketaren irabazlea da, “Bihotzetik bihotzari” konposizio ospetsuarekin, eta ibilbide bikaina egin du, Bilbao Musikan irakasle gisa jardunez eta trikitixarako pieza berriak sortuz. Bere saioa Gabonetako musikaren bilakaerari begirada sakon eta aberasgarria izango da.
Bizkaiko Txakolina Jatorrizko Deiturako bi txakolin dastatzeaz ere gozatuko dugu.
Kartela ez dago une honetan eskuragarri. Informazioa eskatzeko: info@aiko.eus.
