Datorren urtarrilaren 25 eta 26an Areatzan (Bizkaia) Aiko taldeak antolatuta musika eta dantza asteburu eder batean elkartuko gara. Dantza ikastaroak Areatzako Herriko Eskolan eta AIKO Taldeko dantza...
Datorren urtarrilaren 25 eta 26an Areatzan (Bizkaia) Aiko taldeak antolatuta musika eta dantza asteburu eder batean elkartuko gara.
Dantza ikastaroak Areatzako Herriko Eskolan eta AIKO Taldeko dantza irakasleekin 4 tailer ezberdinetan ekingo diogu dantzari:
Kontraiantzak
Aspaldi, Urduñan ere ekin genion kontraiantzak ikasteari, baina egoki iruditu zaigu kadrilleak ikasteko aukera berriz zabaltzea egon ez zirenei, eta egondakoei ere, berriz ikusteko parada. Edozein kasutan, ondo pasatuko dugu kuadrilletan elkarrekin dantzan.
Jotaren gorpuzkera eta aldaerak
Fandangoa edo jota dantza totala da askorentzat, eta horrela, amaigabeko aukerak ematen dizkigu inprobisatzeko, jolasteko eta gozatzeko. Tradiziozko gorpuzkeratik abiatuta hainbat aldaera edo mudantza aztertu eta praktikatuko ditugu.
Mazurka 2.0
Gehienetan, balseotik abiatuta mazurkara heltzen gara eta hor mundu oso bat irekitzen dugu aukera anitzekin; fandagoan erabiltzen ditugun egiturak mazurkan ere erabiltzea adibidez. Mazurkarekin dantzan inprobisatzeko baliapideak eskuratu eta gozatzeko tailerra.
Mutxikoekin olgetan
Arratiako inguruan mutxiko edo dantza jauziak ezezagunak izan dira gutxirarte. Talde koreografia bat baino askoz gehiago dago mutxikoetan: erritmoa eta dantza. Mutxikoen egiturak ulertzeko eta modu ezberdinetan barneratzeko tartea izango dugu 90 minutuko tailer honetan.
PROGRAMA
ZAPATUE, URTARRILAK 25
• 16:30. Ongietorria eta aurkezpena Areatzako Herriko Eskolan.
• 17:00-18:30 Ikastaroa 01
• 18:30-20:00 Ikastaroa 02
Afalondoan
• 22:30 Mazurka klandestinoa Roberto Etxebarriarekin
DOMEKEA, URTARRILAK 26
• 10:00-11:30 Ikastaroa 03
• 11:30-13:00 Ikastaroa 04
NOLA MATRIKULATU
Ikastaroetan izena emateko, beharrezkoa da:
1.- Mezu bat bidali behar da bulegoa@aikotaldea.eus helbidera edo whatsapp bidez 634 423 539 zenbakira, honako hau adieraziz:
-Dantza asteburua Areatzan + izen-abizenak + email helbidea + harremanetarako telefono mugikorra. Adibidez:
DANTZA ASTEBURUA AREATZAN
JENOFA BISCARY LEKUE
jenofa07@gmail.com
Tf 863 263 235
2.- 50 €sartu, ikaslearen izen-abizenak adieraziz (ikastarora etorriko den ikaslea), Aiko Kultur Elkartea titularra den hurrengo banku-kontuan:
ES85 2095 0233 10 9109943783
3.-18 eta 30 urte bitarteko gazteak DEBALDE izango dute matrikula, doan, musutruk, kittorik.
OSTATUA
Areatza hotel-bainuetxeak egonaldi-pakete berezi bat eskaintzen du dantza asteburuan izena eman dutenentzat, besteak beste:
• Logela bikoitzean lo egitea urtarrilaren 25etik (larunbata) 26rako (igandea) gauean
• 25 larunbateko afaria
• Igandean, hilak 26, gosaria eta bazkaria.
• Zirkuitu termal bat bainuetxean
Logela bikoitza 180,90€ BEZ barne (90,45 lagun bakoitzeko)
*Norbaitek ostiralean, 24ean hotelean lo egitea nahi edo behar izanez gero, logela bikoitza bakarrik (gosaririk gabe) 55€ko prezio berezia izango luke.
Interesik baduzu, edo informazio gehiago nahi izanez gero, deitu hotelera eta Aikoren dantza asteburuko eskeintzaz galdetu:
HOTEL BALNEARIO AREATZA
Tel: 946 57 27 05
https://www.hotelbalnearioareatza.com/
