Aiko taldeak dantzan ikasi nahi duten pertsona guztientzako matrikula epea zabaldu du. Dantzaldi Ibiltariaren ekimenean eman ahal izango dute izena interesatuek. Ikastaro berria urritik ekainera luzatuko da, zazpi lekutan: Bilbo, Donosti…
Aiko taldeak dantzan ikasi nahi duten pertsona guztientzako matrikula epea zabaldu du. Dantzaldi Ibiltariaren ekimenean eman ahal izango dute izena interesatuek. Ikastaro berria urritik ekainera luzatuko da, zazpi lekutan: Bilbo, Donostia, Galdakao, Durango, Gernika-Lumo, Markina-Xemein eta Berastegi, BBK Fundazioaren lankidetzarekin.
Ikastaro berria urriaren 3an, astelehenean, zabalduko da, Bilboko Bizkaia Aretoan eta Galdakaon. Eta urriaren 4tik aurrera, Dantzaldi Ibiltaria Durangoko Plateruena Kafe Antzokira joango da; asteazkenetan Markina-Xemeinen (Lea Artibai Ikastetxean) eta Berastegiren (Udaletxean) txanda izango da; eta azkenik ostegunetan, urriaren 6tik aurrera, Aiko Taldeak Gernika-Lumoko San Fidel Ikastolan eta Donostiako Victoria Eugenia Antzokian emango ditu bere klaseak.
Ikastaroak hastapena eta hobekuntza mailatan eskainiko dira. Eta erraztasunik ere badago, izan ere, lehen kontaktua izan nahi dutenentzat, eskolak doakoak izango dira urrian, eta ikastaro osorako matrikula horren ondotik egin ahal izango dute.
Horretaz gain, Kantu Tradizional Ikastaroaren bigarren edizioa jarriko da martxan aurten. Itsaso Arrieta euskal abesti herrikoien irakaslea da eta bera arduratuko da eskolez. Ikastaroa urriaren 3an, astelehenean, hasiko da.
Informazio guztia Aiko taldearen webgunean duzue.