Panderoaren ikaskuntza
PANDERO ESKOLA dantza, panderoa eta kantua batera lantzeko gunea da. Musikaren eta mugimenduaren arteko harremana gorputzetik ulertu eta barneratzeko ikasbidea proposatzen du.
Gure kulturan, dantzak bi osagai nagusi izan ditu beti: mugimendua eta gizakiak antolatzen dituen soinuak, hau da, musika. Biak batera doaz, erritmoaren bidez.
Pandero Eskolan AIKOk urteotan landu duen eskarmentua partekatzen du: panderoak lagundutako kantuaren bidez dantzan egitea, mugimendua eta musika batera irakastea, eta aitzinako irakasbideak gaur egunera ekartzea.
Panderoa tresna praktikoa, eramangarria eta erabilgarria da bazkalondo, parranda, erromeria edo ikastaroetan. Dantzarien eskuetan, musika ulertu, ikasi eta gozatzeko baliabide indartsua izan daiteke.
Mugimendua eta soinua batera lantzen dira. Pultsua, azentua eta erritmoaren antolaketa gorputzetik ulertzea da abiapuntua.
Panderoa lagun, kantua eta musika dantzaren zerbitzura jartzen dira. Ez bananduta, elkarrekin baizik.
Teknika hutsetik harago, pasodoblea, balsa, polka, boleroa, mazurka edo trikitia dantzaren ikuspegitik lantzen dira.
Edukiak
Panderoa jotzeko esku eta gorputzaren jarrerak
Banakako perkusioak eta hirukotxoen oinarrizko teknikak
Pultsua, azentoa eta erritmo bikoiti zein hirukoitiak
Ahotsa, kantuaren oinarriak eta panderoarekin kantua
Dantzen egitura erritmikoak ulertzea eta lantzea
Inprobisazioa eta sormena dantzan
Baliabideak
AIKO Kultur Elkartea · I.F.K.: G-95544840
