Data: 2026(e)ko martxoaren 21(a) (16:00)
Amaiera: 2026(e)ko martxoaren 22(a) (14:00)
Lekua: Hotel Urkiola Mendi, Urkiola
Erreserba
Data: 2026(e)ko martxoaren 21(a) (16:00)
Amaiera: 2026(e)ko martxoaren 22(a) (14:00)
Lekua: Hotel Urkiola Mendi, Urkiola
Erreserba
AIKO Kultur Elkartea · I.F.K.: G-95544840
Telefonoz erreserbatu: 622 589 632
Datorren martxoaren 21 eta 22an, lehenengoz Urkiolara goaz dantza egonaldi bat egitera. Urkiolako Santutegia guretzat, Urkiolako Dantzategia ere bada, erromeri toki historikoa. Eta berton, Urkiola hotel berriztuan, gure dantza txoko gozoa eraikitzeko aukera izango dugu asteburu horretan Jasone, Patxi eta hoteleko lankide guztiekin.
ARTETXEREN JOTATIK TIREKA
“Arratiako jota” izenarekin, batez ere, talde folklorikoen akademizazioaren aurretik hedatuta zegoen dantzatzeko modu herrikoi, aberats eta anitza izendatzen da. Galdakaoko Andra Mari dantza taldeak, eta batez ere bertoko dantza maisua izan den Kepa Artetxeren lanari ezker, Euskal Herri guztian zabaldu zen “Arratiako jota” izenpean. Kepa gure dantza maisu eredua izan da, laguna, eta gure taldekide diren Larraitz eta Ainararen aita, eta Mertxe Arrienen senarra. Berarekin ikastaroren bat baino gehiago ere egin dugu, eta oraingo honetan, teknologiari esker, bere jota grabaketetik "tireka" jotaren inguruko hainbat kontu aztertu, ulertu, sistematizatu eta partekatzeko aukera izango dugu AIKO Taldeko irakasleen eskutik.
AIKO Taldeak 20 urte betetzen dituen honetan, zerbait berezia prestatu nahi izan dugu ospatzeko eta, bide batez, Kepa Artetxeri gure esker ona adieraztea pentsatu dugu guk dakigun moduan: dantzan.
PROGRAMA
LARUNBATA, MARTXOAK 21
16:00-17:00. Ongietorria eta aurkezpena, eta kafetxo bat elkarri agurtzeko.
17:00-20:00 Kepa Artetxeren dantzakera aztertzen eta sistematizatzeko proposamena
21:00 AFARIA
22:30 Afalondoko dantzaldia AIKOPEKOrekin
IGANDEA, MARTXOAK 22
10:00-13:00 Aiko dantza irakasleen eskutik jota eta porru ezberdinen dastaketa
14:00 BAZKARIA
NOLA MATRIKULATU
Ikastaroetan izena emateko:
https://aiko.eus/producto/dantzaegonaldiaurkiolan-martxoak21-22/
60€ ekimenetan eta dantzaldian parte hartzea.
Hoteleko egonaldia Urkiola Hotelean berton kudeatu behar du bakoitzak.
*18 eta 30 urte bitarteko gazteak DEBALDE izango dute matrikula, doan, musutruk, kittorik, baina ez hoteleko egonaldia.
OSTATUA
Urkiola Hotelak egonaldi-pakete berezi bat eskaintzen du dantza egonaldian izena ematen dutenentzat, besteak beste:
• Ohe bateko, biko edo lauko gela/apartamentuetan lo egitea martxoaren 21etik 22rako gauean
• 21 larunbateko afaria
• Igandean, hilak 22, gosaria eta bazkaria
90 euro lagun bakoitzeko, bi otordu, ohea eta gosaria.
Izen ematea Urkiola Hotelean bertan egin behar du bakoitzak.
Hona hemen telefonoa: 622 589 632
Plaza mugatuak dira. Benetan!